Ótrúlegt að svona greinar séu enn birtar, Ég hef breytt fyrirsögnin aðeins sem sýnir hversu fáranleg hún hljómar í öðrum viðskiptageira.

 Staðreyndin er sú að Apple og Google eru báðir að vinna Apple sýnu þó meira. Þeir sem eru að skíttapa eru framleiðendur Android síma nema hugsanlega Samsung. 

	Apple að tapa stríðinu?
Ábyrgðarmaður færslu Tilkynna um óviðeigandi tengingu við frétt

Gegnumlýsingartækið mun flýta fyrir allri vinnu tollvarða við almennt eftirlit þar sem ekki þarf að tæma gáma við leit. Þegar ég flutti heim frá útlöndum fyrir 10 árum með búslóðina í einum litlum gámi þá var ekki árennilegt að leita í honum. Það hefði tekið embættið heilan dag að tæma hann og fylla aftur. Nú geta þeir skannað gáma á tíu mínútum og hefðu þá getað séð hvort ég hafi þá verið með löglegt magn af heimilistækjum í gámnum mínum. Auka sjónvarpstæki, ískápur þvottavél fyrir vini og vandamenn var yfirleitt að finna í búslóðargámum og ekki má gleyma mismunandi magni af léttvínsflöskum. Nú man ég ekki vel hversu löghlýðinn ég var en mig minnir að fjöldi heimilistækja hafi verið réttur enn konan sá um fjölda léttvínsflaska. 

En nú er 200 milljón króna tækið komið til landsins í miðri kreppu hugsanlega hefðum við háskólamenn getað smíðað það fyrir 100 milljónir sem rannsóknatæki en þá hefði það ekki verið eins öruggt í rekstri.  Hins vegar hefðum við aldrei lofað neinum að slík tæki geti fundið fíkniefni, til þess er aðferðin einfaldlega ekki megnug. Ástæðan er einföld, víxlverkun gamma eða röntgen geisla við fíkniefnefni er sú sama og við eins saklausan hlut eins og barnafötin í kommóðu barnanna.  Þegar réttlæta á kaup á dýrum tækjum þá þarf að rökstyðja slíkt með góðum málefnum og fíkniefnaleit er eitt þeirra. Ég get hins vegar lofað að heimilistækja- og léttvínsmygl í búslóðargámum er ekki lengur mögulegt fyrir komandi kynslóðir nýbúa, námsmanna og annarra íslendinga.

	Nýtt tæki til að leita að fíkniefnum
Ábyrgðarmaður færslu Tilkynna um óviðeigandi tengingu við frétt